Ang Halaga ng Pagtitipid

Bakit po ba mahalaga ang pagtitipid sa lahat ng bagay? At sumagot ang guro, “Mahalaga ang pagtitipid sa lahat ng bagay. Subalit mas mahalagang tingnan ang pang-aabuso natin sa biyaya ng Maykapal. Ang likas na yaman na ipinagkakaloob sa atin ay liglig at umaapaw, subalit bakit nagiging kapos? Baka mas mabuting huwag magsayang, magdamot o maging gahaman sa biyaya ng Maykapal; at makikita nating sapat ang lahat, kaya’t hindi kailangang magtipid dahil sa kakapusan. Hindi ito isyu ng kakulangan kundi nang maling paggamit sa likas na yaman. ” - Pitik-Bulag